Jæja þá er maður kominn til Afríku. Þetta er allt hálf skrítið eitthvað, maður er ennþá að átta sig á því að maður á heima hérna.
Helgin áður en við fórum út var algjör geðveiki, við áttum eftir að pakka heilmiklu (þó við héldum að við værum næstum búin) og svo var ég veik allan laugardaginn. Við enduðum á því að skilja eftir okkur heilu staflana af drasli sem mamma þurfti að fara í gegnum og senda svo upp í mosó þar sem það verður geymt þar til við förum í gegnum það

Við fórum á svona kynningardaga í seinustu viku þar sem farið var yfir svona praktísk atriði, það er frekar mikil skriffinska hérna þ.a. maður verður að hafa allt á hreinu. Þeir hjálpa manni samt við bókstaflega allt í skólanum.
Við erum augljóslega ekki velkomin hérna sem útlendingar og höfum ekki rétt á neinu, það er tekið fram á umsóknarbréfinu frá skólanum að við höfum ekki tekið frá pláss frá Suður Afríku búa, sama gildir um Þuríði hún á bara rétt á leikskólaplássi ef það er enginn Suður Afrískur sem þarf á því að halda. Við megum heldur ekki nota heilbrigðiskerfið hérna, verðum að vera í einkakerfinu. Þeir sögðu reyndar á kynningardögunum að flestir hérna fara frekar til töfralæknisins en að fara til vestræns læknis!

Þuríður er líka byrjuð í leikskólanum og líkar bara vel. Hún er alveg að kafna úr hita greyið og á frekar erfitt með að venjast þessu breytta loftslagi.

Ég læt þetta nægja í bili

Við erum með tölvusíma (íslenskan) ef ykkur langar að hringja og spjalla

Kv. Sigrún

Búin að setja ýmsar myndir inn á www.hlin.smugmug.com m.a. þessar: 


Saumaklúbbsútilegan. VIð Rauðveldsgjá.








o.fl.

Hérna eru tillögur að bolum






Endilega tjáið ykkur 

 

 

Mér heyrist fólk vera orðið eitthvað stressað yfir plani komandi helgar. Ég veit að það er bara mánudagur...eða reyndar þriðjudagur en samkvæmt veðurspánni á að vera gott veður á Snæfellsnesi sem og reyndar á suðurlandi. Ég sökkti mér í ferðabækurnar og netið og er sko orðin verulega spennt að fara á Snæfellsnesið. Ég fann svo geðveikt mikið að stöðum sem mig langar til að sjá en ég geri mér grein fyrir því að ég næ ekki að sjá nærri því allt í þessari ferð og kannksi hafið þið séð þetta allt áður. En ég tók að mér það bessaleyfi að gera drög að útileguplani fyrir helgina. Ég veit að þetta er svolítið þétt plan og það eru  kannski ekki allir til í það en þetta er allaveg tilllaga og planinu má að sjálfsögðu breyta. En allavega þá er planið svona...

Föstudagur

16:00-18:00       Brottför úr bænum. Keyrt beint á tjaldstæðið á sunnanverðu Snæfellsnesi. 
                        Ég á eftir að athuga tjaldstæðin betur en mér líst vel á Langaholt eða
                        Brekkubæ. (Þið getið prufað að googla þetta)
19:00-20:00       Borða
22:00- ????       Ef það verður fallegt veður er örugglega gaman að taka létta kvöldgöngu um
                        svæðið fyrir þá sem hafa áhuga á því.

Laugardagur

09:00-10:00       Allir að vakna
10:30-14:30       Bíltúr/göngutúr um svæðið í kring (Sjá nánar hér að neðan) Held að það séu
                        einhverjir restaurantar þarna, spurning hvort það sé áhugi fyrir því eða að taka
                        með nesti??
15:00                Breiðavík (Rauðfeldargjá)
16:30                Sund á Lýsuhóli
18:30                Byrja að kynda grillið
19:30-21:00       Borða steikina
21:00-????        Taumlaus gleði fram eftir nóttu

Sunnudagur

09:00-12:00       Vakna í rólegheitum og pakka saman
12:30                Brottför
13:00                Búðir (sjá nánar að neðan)
14:00                Væri gaman að keyra yfir Fróðárheiði til Ólafsvíkur og kíkja jafnvel á 
                        Gufuskála ef það er áhugi fyrir því. Taka síðan rúntinn meðfram 
                        norðurströnd Snæfellsness og lalla síðan heim á leið.

Ég ætla sko ekki að vera einhver crazy bitch með skeiðklukku, setti þessar tímasetningar inn til að átta mig á því hvað þetta tekur allt langan tíma. En ef það á að gera allt hér að ofan þá verðum við auðvitað að reyna að halda okkur sem mest við planið svo allir verði í góðu skapi. Síðan getur vel verið að það sé annað mikið skemmtilegra að sjá eða gera þarna. Skoðið þetta endilega á netinu, alltaf skemmtilegra að vita aðeins hvað maður er að fara að gera. Komið endilega með hugmyndir ef þið eruð með eitthvað í huga.

Síðan þarf að fara að pæla í bíla og tjalda málum. Eru pör bara saman í tjaldi eða hvað? Ég geri þá ráð fyrir því að við Heiðdís séum par

Hér eru nánari upplýsingar um einhverja af þessum stöðum fengnar af veraldarvefnum

Bíltúr/ Göngutúr um svæðið
(Arnarstapi, Dritvík, Malarrif, Djúpalónssandur, Einarslón, Sölvahamar o.fl.)

Ég veit að það er kannski ekki hægt að fara á alla þessa staði en þeir eru samt allir á sama blettinum þannig að ég held að við verðum bara að sjá til þegar við erum komin.

Frá Dritvík og Djúpalónssandi
Meðal áhugaverðra staða á Snæfellsnesi sunnanverðu er Djúpalónssandur, en svo heitir bogamynduð klettavík með tveimur ferskvatnslónum, skammt fyrir vestan eyðibýlið Einarslón. Á sandi þessum er ýmsar furðusmíðar náttúrunar og ber þar hæst Gatklett og Draugahelli, þar sem fyrrum þótti reimt í meira lagi. Til er þjóðsaga frá þessum slóðum.
Djúpalónssandur - Dritvík.  Leiðin á milli Djúpalónssands og Dritvíkur er vinsæl og auðveld. Hún tekur um 20 mín. aðra leið (tæplega 1 km) en rétt er að áætla lengri tíma. Hægt er að halda áfram eftir gamalli vermannagötu um Beruvíkurhraun og í Sandhóla. Sú ganga tekur um klukkustund frá Dritvík. Öll leiðin frá Djúpalónssandi um Dritvík í Sandhóla er um 4 km og finnst sumum fallegra að byrja gönguna í Sandhólum og enda á Djúpalónssandi. Áður fyrr bjuggu í Dritvík 200-600 manns hluta úr ári. Á Djúpalónssandi eru steintökin sem vermenn reyndu afl sitt á. Gaman er að ganga fram á Suðurbarðann en þar er völundarhús sem vermenn höfðu að leik.
Sölvahamar.  Gamla þjóðleiðin liggur eftir Sölvahamri endilöngum, nálægt honum miðjum eru fornar rústir í umsjá Þjóðminjasafnsins og eru verndaðar. Ganga frá Arnarstapa yfir Sölvahamar tekur innan við klukkustund og veldur aldrei vonbrigðum.
Annað
Gönguleiðir í kringum Arnarstapa liggja á ýmsum stöðum, ein liggur t.d, eftir ströndinni og þeir sem taka þá ákvörðun að ganga hana sja hina stórbrotnu klettaströnd á milli Arnarstapa og Hellna. Önnur leið er nefnd Laugarbrekku gangan og á þeirra leið er hægt að sjá margt spennandi eins og t.d, dys Axlar Bjarnar og Bárðar laug og ef maður er mjög heppinn sér maður kannski dansandi álfa og huldufólk. Svo fyrir þá sem eru mjög ofvirkir er hægt að skokka/ ganga upp á Stapafell en hann er 526 m. á hæð en þar upp er heljarinnar útsýni yfir Breiðuvík og ef maður gengur í kringum Stapafellið getur maður sér Sönghelli en þar dvaldi Bárður Snæfellsás. Og síðast en ekki síst er hægt að fara úr á Sölvahamri og upp að Látri eða upp eftir Hnausahrauni og skoða hina einu sönnu Rauðfelldargjá. Og svo ef menn hafa virkilega gaman af því að ganga taka þeir bara með sér nesti og nýja skó og rölta bara allar leiðirnar.

Búðir
Frambúðir.  Frá Búðum er gaman að ganga stuttan spöl að Frambúðum, þar sem andi fortíðar svífur yfir vötnum og vallgrónar rústir bíða eftir að segja sögu sína.  Ganga frá Búðakirkju tekur u.þ.b. hálftíma.

 

Ég vonast eftir heitum umræðum á morgun
Góða nótt

Sælar

Er ekki kominn tími á að fara að skipuleggja Saumaklúbbs útileguna?

Sælar skvísur

Ég er að koma í bæinn þar næstu helgi (23-27 apríl)

Þar sem Heiðdís er alltaf að kvarta yfir djamm leysi höfum við Hlín ákveðið að taka djammið með trukki svona rétt fyrir lokatörnina í skólanum. Annars eru nú Guffa og Kristjana nánast búnar í prófum þá....ekki rétt?

Eru ekki allir geim í það?
Er ekki bara fínt að setja stefnuna á föstudagskvöldið 25. apríl?? Geri ráð fyrir því að kjallarinn sé til reiðu.....er það ekki Hlín?

Síðan er það auðvitað Sumardagurinn fyrsti .....hver er memm? Ég og Eva Rut ætlum sko í skrúðgöngu og síðan að baka vöfflur í skátaheimilinu. Magnea nefndi það við mig um daginn hvort við værum ekki til í að hjálpa til. Ég sagði henni að það væri lítið mál, þið væruð örugglega til í það.

Hvað segið þið um þetta?

Hæhæ
Þuríður er ennþá veik og ég er eiginlega hálfveik líka þ.a. ég þarf eiginlega að fresta hittingnum aðeins Hvenær viljið þið hittast? Ég er laus sunnudags til miðvikudagskvöld.
Ég set mitt atkvæði á sunnudagskvöldið

Sigrún

Hún á afmæli í dag
hún á afmæli í dag
hún á afmæli hún Heiðdís
hún á afmæli í dag



Til hamingju með daginn

p.s. myndir frá Kópa reunioninu og Akureyrarferðinni má finna hér:
http://www.hlin.smugmug.com/

Stelpu-bekkjarpartý

 

Sælar stelpur!

 

Er ekki kominn tími á að við förum að hittast allar stelpurnar í gamla 10-1? Ég held að við höfum ekki hist allar síðan í 10. bekk ekki satt? Margar okkar hittust á reunion ’84 árgangsins um árið en þar gafst nú lítill tími til þess að spjalla í rólegheitum.

Margt hefur borið á daga okkar síðan við útskrifuðumst úr Snælandsskóla…..menntaskóli, háskóli, ferðalög, kærastar, barneignir, frægð og frami (mér vitanlega er engin búin að gifta sig) þannig að við ættum nú ekki að verða uppiskroppa með umræðuefni.

Ég er búin að bera þessa hugmynd í mér nokkuð lengi og langar til þess að láta verða af þessu núna. Þess vegna ætla ég að bjóða ykkur heim til mín (mömmu og pabba) að Reynigrund 53 um þrjú-leytið sunnudaginn 24. febrúar. Þær ykkar sem eigið börn komið endilega með þau með ykkur.

Samkvæmt mínu minni erum við 12 sem útskrifuðumst úr 10-1 (Guffa, Hlín, Heiðdís, Kristjana, Eyrún, Tinna, Laufey, Steinunn, Guðrún, Elsa, Elín Ósk og ég). Ég vona að ég sé ekki að gleyma neinum. Skábekkjafélagar þ.e. stelpur úr 10-2 eru líka velkomnar.

Ég hlakka til að sjá ykkur og vona að sem flesta komist !!!

Kv. Jónína 698-8486

P.S. Allir verða að commenta eða hringja í mig til að láta vita hvort þeir mæta eða ekki.

Hæ Hæ

Jæja þá er það skipulagið sem var ákveðið í gærkvöldi:

12. febrúar - Kópa hittingur í Þristi

2?. febrúar - Afmælisveisla hjá Heiðdísi ?

23. febrúar - Útskrift Sigrúnar

24. febrúar - Skátamessuferð

24. febrúar - Snælandsskóla endurfundarbrunch hjá Jónínu

6. mars - Matarklúbbur hjá Sigrúnu

18-20. júlí - Saumaklúbbs útilega

 

Kópa hittingur: Sendi Torfa mail og stofnaði bloggsíðu www.blog.central.is/koparhittast

Matarklúbbur hjá Sigrúnu: Fyrsti matarklúbburinn þar sem kærastar fá þann heiður að koma með, Sigrún ætlar að elda eitthvað gúrmei

Útilega: skrifið þetta niður núna, engar afsakandir teknar gildar eins og "ég þarf að vinna"

Alltaf gaman upp í Þristi

Hæ Hæ.

Jæja, nýtt ár gengið í garð og ég held að það sé kominn tími á að fara að koma skipulagi á matarklúbbinn okkar aftur. Hver var næst? Heiðdís?

Við vorum líka að velta því fyrir okkur hvort við ættum ekki að finna okkur einhvert kvöld (helst þar sem það er frí daginn eftir svo við gætum e.t.v. fengið okkur smá brjóstbirtu) til þess að hittast allar. Þar sem Jónína er í bænum núna fannst okkur alveg tilvalið að fara bara að drífa í þessu. Hvað segið þið? hvenær eru þið lausar?

Hvað segið þið um laugardaginn 26. janúar? Er ekki einhver alveg ólmur í að bjóða okkur heim til sín annars gætum við nú vel verið hér í kjallarahöllinni minni líka.

 kveðja. Hlín

Hæ hæ.

Þar sem allir eru að fara að byrja í prófum verður líklega ekki hittingur fyrr en eftir próf. En svo kom upp sú hugmynd að fjölmenna allar á jólaball með Páli Óskari 21.des.

Hvernig lýst ykkur á það? svo skildist mér að hún Kristjana hafi eitthvað verið að spá í því að halda partý, var það ekki

hæhæ

Þar sem Heiðdís getur ekki haldið næsta matarklúbb þá er víst komið að mér og ég var að spá þar sem Jónína er stödd í höfuðborginni um helgina hvort ég ætti ekki að bjóða ykkur í smá hádegis/morgunverð einhverntíman um helgina?

Hvort hentar ykkur frekar Laugardagur eða sunnudagur?

Hlín.

 Jæja þá er komið að fyrsta matarklúbbs hittingnum okkar 

Planið var að reyna að hittast fyrsta fimmtudag í hverjum mánuði og að við myndum skiptast á að halda þetta. (Ef Jónína er í bænum, þá má líka hliðra til

 Þetta verður semsagt haldið hjá mér núna, ég var að spá hvort þið kæmust núna á næsta fimmtudag?

 Endilega kommentið